Beziehungs – Horoskop

Widder 

Ob Monnsbild oder Frauenzimmer, die traute Zweisamkeit funktioniert bei die Widder lai, wenn sie in Ton ungebn kennen und ihr Gegenstück die zwoate Geige spielt. Sel muas a gor net unbedingt freiwillig sein, weil je widderborstiger es zwischenmenschlich in der Beziehung zuageat, umso mehr sein de wildn Schof in ihrem Element. 
Damit des Energiebündl überhaupt auszuholtn isch, sollets sich am bestn mitm gleichn Sternzeichen zomtian – gonz nochn Motto “Gleich und gleich gesellt sich gern” – also zwoa Widder zusommen sein oanfoch a unschlogbores Team und longweilig werds in de Streithamml sicher nia. 

Stier

Mitanondor, füranondor, zuanondor – Stiere hobn gern a grundlegende Sicherheit, dass im gemeinsomen Leben olls schian aufanondor ogstimmt isch. In oller Ruhe und Gemiatlichkeit welln sie nebnanondor hergian auf an ebenen Tugendpfad ohne emotionale Stolperfolln oder Seitensprünge aufn Holzweg. 
Dor ideale Partner isch für die Stiere a stillor und gemiatlichor Fisch. Dor storke obor eben a sicherheitsliebende Stier konn mitm Fisch a Ruhe genießn ohne an Longeweile zu dorstickn. 

Zwillinge

Am liabstn tatn sie auf Dauer in “Tog der offenen Herzens-Tür” feiern, de lockern Geselln. Obor a Zwillinge wern ob und zua mitm Ernst vom Beziehungsleben konfrontiert und miasn sich donn am Riemen reißn. Des kannt recht guat kloppn, wenn dor Partner die Zügl in dor Hond und in Zwilling an dor longen Leine lafn losst. 
So wias ausschaug, sein Wossermänner extra dofür erschoffn wordn. Zwilling und Wossermonn schwimmen auf dor selben Welle und vorstian sich blind. 

Krebs

Des sein gonz treue Seelen, de gefühlsbetontn Krebse und viel Nestwärme brauchn sie a. Wenn Krebse glabn, ihre bessere Hälfte gfundn zu hobn, donn schlingen sie olle Armelen und Fühler drum herum und zwickn sie fest. Wehe dem, der sich aus der Umklommerung befrein will – mit de Scheren isch net zu spaßn!!
Am besten harmoniert dor Krebs mitm Skorpion – beade sein extrem emotionale Wesen und ordruckn sich gern gegenseitig mit Gefühlsduseleien. 

Löwe

Als Krönung von a großortiger Liebesgeschichte – und ondre gibs beim Löwen gor net – werd man sich selbstverständlich als schianes Paarl aufm Silberteller präsentiern. Schun meglich, dass do mehr die Publikumswirksamkeit in Mittelpunkt rutscht und die innere Verbundenheit im Hintergrund bleibt, obor des ghert olls zum Spiel dozua. 
Wenn a Löwe donn obor auf an Schützen trifft, fliagn lai mehr so die Funken. Aus an hoaßn Flirt werd schnell a intensive Beziehung voller Leidenschoft. 

Jungfrau

Bevor die Jungfraun a feste Beziehung eingian, mechetn sie es Scheiterungsrisiko auf a Mindestmoß reduziern und tatn am liabstn a Liebesversicherung oschliaßn. Weil ihnen obor dor gsunde Menschenverstond die wirtschoftlichen Vorzüge von a Paarung eingib, wähln sie donn decht oft es Steuerspormodell und heiratn ohne Liebesversicherung. 
Die Jungfrau vorsteat sich in Sochn Beziehung hervorrogend mitm Krebs – beade liebn Ordnung, sein harmoniebedürftige Familienmenschen und frein sich an die schianen Sochn im Leben. 

Waage

Ihre ausgeprägte Paarungsbereitschoft verschofft Waagen schun im zortn Olter von der beginnenden Geschlechtsreife es ständige Verlongen, sich in ondre Menschn zuazuwendn. Sie wickeln mit an entzückendem Liebreiz olle um nen Finger, de ihnen als passendes Gegenstück erscheinen und wenns donn net kloppt, verliebn sie sich oanfoch nui. 
Luxussucht, Abenteuerlust und a Hauch Größenwahn verbindn die Waagen mit ihrem perfektn Partner, in Wossermonn. Der isch dor perfekte Gesprächspartner für sie und fordert sie stets a zu geistigen Höhenflügn ausor. 

Skorpion

Wos die Skorpione a unfongen, es endet olm olls irgendwia im Bett, dobei wirkn sie jo aufn erstn Blick eigentlich gonz cool. Sie hobn ihr geliebtes Opfer schun in lodernde Leidenschoft versetzt, bevor des überhaupt merkt, wos für a Vulkan do so hoaß am Brodln isch. Und de intensive Erfohrung kreg man donn nimr ausm Bauch – Skorpione sein die Kings und Queens der Erotik. 
Dor ideale Partner für an Skorpion isch a sensibler Krebs – sem wern donn nämlich gefühlsbetonte Emotionen mit purer Leidenschoft gekoppelt und es Glück isch perfekt. 

Schütze

In a engor Beziehung die Zügel locker zu lossn und großzügig mit die Treuevorstellungen umzugian, des isch a Partnerschoft noch Ort der Schützen. Herzliche Verbundenheit handlholtnd mit vertrauensvoller Toleranz isch dor Schlüssl zum Glück und wenn sel donn decht amol grandios donebengeat, donn zählt eben dor Lernerfolg. 
Wenn dor Widder net schun für an ondorn Widder vergeben isch, tat zum Schützen sel Sternzeichen gonz guat passen – dor Widder vorsteat nämlich die witzign Sprüch vom Schützen und konn a recht guat zrugkontern. 

Stoanbock

A wenn die Rollenspiele in Stoanbock-Beziehungen scheinbor oltmodisch-ungstabtn Drehbüchern folgn – es Ergebnis gib ihnen recht: Klore Grenzn und grode Linien sein dor passende Rohmen für Longliebigkeit. Genügsomkeit in jeder Hinsicht hilft schlussendlich, die ungeschminkte Wirklichkeit auf Dauer zu ertrogn. 
Ähnlich wia beim Widder bleib dor Stoanbock am liabsten unter Gleichgesinnten – also isch dor ideale Partner fürn Stoanbock a Stoanbock – man vorsteat sich oanfoch ohne viel zu sogn und hot die gleichn Vorstellungen. 

Wossermonn

“Not mocht erfinderisch” – juzn die Wossermänner “und die Liebe a”! Wos sie do net olls ausprobiern kennen vom unverbindlichn Brotkartoffelverhältnis über bleibende Wechslhoftigkeit bis zur grundsätzlichn Abstinenz als Experiment. Bei de Typn isch lai oans gonz sicher – man konn sich bei ihnen nia gonz sicher sein. 
Als absolutes Traumpaar geltn obor Wossermonn und Waage – weil jede no so abstruse Idee vom Wossermonn von dor Waage in die Realität umgsetzt wern will und de zwoa sich oanfoch super ergänzn. 

Fische

So inniglich mit an Seelenverwondtn verbundn zu sein, dass oanem die Gefühle von dem olm schun unter die Haut gian, no bevor er sie selber spirt, des isch für Fische oanor der Wünsche, de in a Partnerschoft wohr wern sollten. Dor ondre Wunsch war es gemeinsome Otauchen, wenn die horte Wirklichkeit zum Störfaktor werd. 
Wer passt zu dem emotionsgelodenen Sternzeichen am besten? Schun wieder a Krebs – der konn sich nämlich super in ondre einifühln und gib donn genau des, wos es Gegenüber grod brauch.