Wunschwelt – Horoskop

Widder

In dor Wunschwelt vom Widder gibs an jeder Ecke an groaßn Haufn Konfliktpotenzial, olm an streitlustign Gegner und insgesomt isch die gonze Welt a oanziges Abenteuerlond, damit sich der bewegungshungrige Widder noch Kompfeslust austobn konn. Dozua wünscht er sich no a dicke Mauer, damit er sich mitm Kopf durch die Wond rammen konn – am liabstn nebn dor offenen Tir. 

Traumhaus: Ritterburg mit Schießschartn
Liebe: Jogdtrieb muas befriedigt werdn
Essen/Trinken: Bluatiges Steak
Wunsch: Klitschko-Briador zomschlogn
Traumjob: Berüchtigter Stierkämpfer

Stier

Dor Stier hätt am liabstn a fohrbore Bodewonn mit frisch einglossenen Rosenduftschaum, de direkt vorm Bett steat, damit des faule Stiertier sich lai mit an Drahnor einiplumpsn lossn konn. Sekt-Lachs-Candlelight-Frühstück schmeckt im wormen Wossor no viel besser und donoch geats Verwöhnprogramm auf dor heachstn Genussstufe weiter. 

Traumhaus: Olmhitt im Schlaraffenlond
Liebe: Ausgiebiger sinnlicher Genuss
Essen/Trinken: Feinschmecker-Küche aufm Tischlein-Deck-Dich
Wunsch: Friede, Freude, Eierkuchen
Traumjob: Londwirt und Großgrundbesitzer

Zwillinge

Die funkgesteuerte Wohnung isch mit Zeitungen tapeziert und damit olm olls aktuell bleib, werd a täglicher Tapetenwechsl verunstoltet. Die Börsennochrichtn fliaßn als nervös blinkender News-Ticker in Leuchtforbn über die Schronkwond, Telefone folln wia die Sauerstoffmaskn im Fliagor von dor Decke und mit Röntgenohren hert dor Zwilling jedes Gespräch a durch die dicksten Wände. 

Traumhaus: Telefonzentrale im Funkturm
Liebe: Unverbindliches Abenteuer
Essen/Trinken: Schnell an Happen beim Schnellimbiss
Wunsch: Externe Festplottn fürs Hirnkastl
Traumjob: Rasender Reporter

Krebs

A Hondvoll Kinder in dor kloanen Kuchl, putzige Hausfackln saugn in Dreck vom Boden, die Uroma fiatort es Baby und in regelmäßige Obstände nemen sich olle bei die Händ und mochn a großfamiliäre Knuddelrunde. Aufm Fuior steat a groaßer Topf, in dem durchgehend a siaßes Muas gekocht werd, des don von alloan in die Teller fliaßt und so wern olle sott und Leib und Seele geats guat. 

Traumhaus: Schnecknhaisl im Grianen
Liebe: Olm aufn höchstn Kuschlfaktor ochtn
Essen/Trinken: Vanillecreme mit Karamellsoße
Wunsch: Moger-Models fiatorn und aufpeppeln
Traumjob: SOS-Kinderdorf-Mami

Löwe

Roator Teppich, groaße Gala und a glamouröser Auftritt vor jubelndem Publikum – so welln die Löwen hofiert wern, am besten glai a poor mol pro Tog. Die Untertanen solln vor Ehrfurcht und Respekt erstarrn, wenn die löwige Majestät es Zepter schwing und sich in nächstn Pokal für die schauspielerischn Glonzleistungen oder sonstige Goldmedaillen überreichn losst. 

Traumhaus: Schloss Versailles
Liebe: Dramatisch wie Romeo und Julia
Essen/Trinken: Kaviar, Trüffel und Champagner
Wunsch: Zrug zur Monarchie
Traumjob: Theaterregisseur

Jungfrau

Es perfekte Betriebssystem Leben laft bei die Jungfraun reibungslos in überschaubore Bohnen, Effizienz isch Vorschrift und net es klianste Krümele von irgendeps werd verschwendet. Aus Gebrauchtem werd wunderbores recycelt: Klopapier werd zum Geschenkspapier und die Seifenreste wern oanfoch zu an nuin Stickl zomgepuzzelt. 

Traumhaus: Selbstreinigende Mehrzweckhalle
Liebe: Am glücklichstn mit an fleißign Heinzelmännchen
Essen/Trinken: Olls wos gsund isch und logisch lai vom Biomorkt
Wunsch: In politischn Saustoll ausmistn
Traumjob: Diplomatischer Nachhaltigkeits-Modedesigner

Waage

“A Tog – so wundorschian wia hait – der terfet nia vorgiahn!” und so feiern die Waagen oanfoch Dauerhochzeit. Im Brautkleid fohrn sie täglich mit blütngschmücktn Pferdehintorn vor Augen in dor weißn Hochzeitskutsche zur märchenhoftn Bergkapelle. Und don werd jedn Obnd mit a romantischer Bootsfohrt aufm stilln Sea mit dor Nachtigallenflöte die Hochzeitsnocht eingeläutet… und am nächstn Tog olls wieder von vorne. 

Traumhaus: Auf Wolke 7
Liebe: Brauch lai ihren Partner und a Himmelbett
Essen/Trinken: Luft und Liebe
Wunsch: Mahatma Ghandi treffn
Traumjob: Hochzeitsmanagerin

Skorpion

Mit an eingebautn Skandalradargerät in die stinkign Obwosserkanäle von dor menschlichn Seele otauchn und olle düsteren Geheimnisse ausorsuachn und ihnen die Maske vom Gsicht reißn, war fürn rachelustign Skorpion es greßte Vergnügn. Des mocht des stochelige Stechviechele erst so richtig glücklich und bereit für seine wohre Liebesleidnschoft – und don konn die Erotik knistern. 

Traumhaus: Höhle mit Fegefeuerheizung
Liebe: Hoaß wie die Hölle
Essen/Trinken: Tabascomarinierte Stierhoden
Wunsch: Als Gerichtsmediziner Leichen sezieren
Traumjob: Archäologe oder Totengräber

Schütze

“My life is a party!!!” – grölt a gonze Schützenhorde fröhlich und kimp mitm Kopf nimr ausm Fliagor-Kübel ausor. Die Welt isch groaß, bunt und voller Silberstreifn am Horizont. Sie steat fürn reisefreudign Schützen sperrangelweit offn, er braucht lai no in seine Wondorstiefl steign und don geats auf. 

Traumhaus: Megapartykeller mit XXL-Pool
Liebe: Lustliebender Vagabund
Essen/Trinken: Hauptsoch überoll a Sahnehäubchen drauf
Wunsch: Feste feiern, bis die Gäste umfolln
Traumjob: Motivationsguru oder Reiseführer

Stoanbock

Am Orbeitsplotz sein die Gesetzesbiachor in korrekte Stapl schachbrettmustergültig ogleg und mit dor Wosserwooge ausgerichtet – koan Stift tonzt aus dor Reihe, knochnhort klommert sich der stoanböckische Perfektionismus an die Tischkante. Fürn Stoanbock muas olm olls rechtens olafn und irgenda Regel werd glücklicherweise olm gebrochen, wo er sich don einmischn konn. 

Traumhaus: Felsfestung
Liebe: Verliebt, verlobt, Diamanthochzeit
Essen/Trinken: Hortes Brot und Wosser
Wunsch: Gesetz gegen Nochgiebigkeit
Traumjob: Vollzugsbeomter im Verkehr

Wossermonn

Nieder mit dor Kleiderordnung, es lebe die Kleider-Revolution! Dor nuieste Schrei isch a schrilles Gekreische aus grell gfärbte Stoffe und verruckt zomgmixte Materialzuatotn. Man trog olm zwoa verschiedene Sockn dozua und lai oanen Schuach an die Fiaß, geat net ohne an total crazy Huat unter die Lait und konn sich jede Modewahnsinnsidee direkt aus a Maschin ausdruckn lossn. 

Traumhaus: Es fliegende Klassenzimmer
Liebe: Lai die Freiheitsliebe isch echt
Essen/Trinken: Apfel-Blitzkuchn
Wunsch: Freiheit für Grönlond, weg mitm Eis
Traumjob: Weltraumfohrender Astronaut

Fische

Himmlische Zuaständ sein des, wenn die Kotz es Mausjogn losst, die Lait die Bluamen redn lossn und ihnen zuahorchn, oder die Politiker ihr Gewissen entdecken. Jeder liebt jeden, olle toaln gern, Weltschmerz werd sofort ohne Praxisgebühr oder ondre Zuasotzzohlungen behondlt und in dem Gortn Eden sein olls Brückn aus Regenbogn. 

Traumhaus: Aquarium mit koane Wänd
Liebe: Verführung im Paradies
Essen/Trinken: Schaumcremesuppele
Wunsch: Es Paradies auf Erdn schoffn
Traumjob: Kronknschwester für die Welt